Yangiliklar

Tarixiy rekord. O`zbekistonning oltin-valyuta zaxiralari 61 milliard dollardan oshdi

Oʻzbekistonning oltin-valyuta zaxiralari oʻtgan oy tarixiy rekordni yangiladi. 1 dekabr holatiga xalqaro aktivlarning umumiy qiymati 61,2 milliard dollarga yetdi.

Bir oy ichida zaxiralar 1,89 milliardga oshdi va 3,2% oʻsish koʻrsatdi, yil boshidan esa deyarli ikki barobar – 48,49% oʻsish qayd etildi, deb xabar beradi Markaziy bank.

Qimmatbaho metallning tonnaj miqdori 12,2 million troy unsiyaga (379,4 tonna) yetdi. Oʻtgan oyda Markaziy bank zaxiralarni taxminan 0,3 million unsiya (9,3 tonna)ga oshirdi.

Valyuta qismi 1 milliardga qisqardi va hozirda 9,8 milliard dollarni tashkil etadi: 979,4 millioni xorijiy markaziy banklar va Xalqaro Valyuta Fondida, 7,3 milliard – boshqa xorijiy kredit muassasalaridagi hisoblarda.

Shuningdek, noyabrda MB xorijiy qimmatli qogʻozlarni 1,5 milliardga sotib oldi – bu oldingi oygacha 503,3 millionga koʻp.

Eslatib oʻtamiz, noyabr oyida Oʻzbekistonning oltin-valyuta zaxiralari rekord 59,3 milliard dollarga yetgani haqida xabar berilgan edi. Bir oy ichida ularning hajmi 4 milliarddan koʻpga oshdi.

Manba