17-xalqaro "tog'-kon ishi, metallurgiya va metallsozlik – MiningMetals Uzbekistan 2023" ko'rgazmasi 1-noyabrdan 3-noyabrga qadar "O'zekspomarkaz" MKKning 1, 2 pavilonlari, Atrium 1 zalida bo'lib o'tadi.

Ko'rgazma tashkilotchilari: Iteca Exhibitions xalqaro ko'rgazma kompaniyasi va uning hamkori ICA Eurasia Group.

O'zbekiston tog'-kon sanoati jadal rivojlanish davrida bo'lib, investisiyalarni jalb qilish va modernizasiyaning ulkan maqsadlarini o'z oldiga qo'ymoqda. Mamlakat rahbariyati yangi texnologiyalar va innovasiyalarni joriy etish uchun sharoit yaratib, sektorni rivojlantirishga katta e'tibor qaratmoqda.

"MiningMetals Uzbekistan" – Markaziy Osiyo mintaqasidagi tog'-kon, metallurgiya va mashinasozlik sanoatining etakchi ko'rgazma tadbirlaridan biri bo'lib, milliy va xalqaro hamkorlikni mustahkamlash maqsadida butun dunyo tog'-kon sohasi mutaxassislarini bir maydonda birlashtiradi.

MiningMetals Uzbekistan mavjudligi davomida o'zining ahamiyati va nufuzli tarmoq tadbiri sifatida maqomini tasdiqladi. Tadbir O'zbekiston kon-metallurgiya majmuasiga keng ko'lamli vazifalarni hal etish va rivojlanish strategiyasini tanlashda ko'maklashuvchi samarali biznes-platforma sifatida salmoqli obro'ga ega bo'ldi.

Sanoatning etakchi kompaniyalari va yangi ishtirokchilarni jalb etish tufayli ko'rgazma O'zbekistonning konchilik sektori va xalqaro hamkorlar o'rtasidagi ishbilarmonlik aloqalari, bilim almashish va aloqalarni mustahkamlash uchun noyob imkoniyatlar yaratmoqda. Ko'rgazmaga qiziqish yillar davomida ortib borayotgani ajablanarli emas.

Bu yil ko'rgazma yana ajoyib natijalarni ko'rsatib, o'z rekordini yangilamoqda - MiningMetals Uzbekistan 2023da 25 mamlakatdan 164 kompaniya qatnashmoqda, bu o'tgan ko'rgazma ko'rsatkichlaridan 49 foizga oshdi. Avstraliya, Avstriya, Ozarbayjon, Belarus Respublikasi, Buyuk Britaniya, Germaniya, Gruziya, Hindiston, Eron, Irlandiya, Italiya, Qozog'iston, Kanada, Xitoy, Litva, Yangi Zelandiya, Norvegiya, BAA, Rossiya, Ruminiya, AQSh, Turkiya, O'zbekiston, Ukraina va Shveytsariya mamlakatlaridan tashrif buyurgan ishtirokchilar quyidagi bo'limlar bo'yicha yanada qiziqarli mahsulotlar va texnologiyalarni tayyorlamoqda: foydali qazilmalarni boyitish, ochiq va er osti qazib olish, atrof-muhit, IT texnologiyalar, metallurgiya, mashinasozlik, dastgohsozlik mahsulotlari va boshqalar.

Mahalliy ishtirokchilar orasida tog'-kon sanoati va metallurgiya flagmanlarini ta'kidlash joyizdir: Navoiy kon-metallurgiya kombinati - uning vakillari er qa'ridagi zaxiralarni geologik qidirish, ruda qazib olish va uni qayta ishlash, tayyor mahsulotlar olish haqida so'zlab berishadi, shuningdek Ohangaron quvur metallurgiya zavodi - import o'rnini bosuvchi metall prokat ishlab chiqarish metallurgiya korxonasi va O'zbekximmash zavodi - kimyo, neft-kimyo, gazni qayta ishlash va boshqa sanoat tarmoqlari uchun bosimli idishlar va apparatlar ishlab chiqarish korxonasi.

Ular bilan bir qatorda boshqa mahalliy kompaniyalar - xorijiy ishlab chiqaruvchilarning dilerlari va distribyutorlari ham ishtirok etadilar: Mining and Construction Solutions, Promprivod, Topfin Result, Vital Technology, Rudmash eksport servis, Texnostroy, Infra Del Projects, Billur Quartz, Koreya innovasion texnologiyalari va boshqalar.

Xorijiy ishtirokchilar orasida quyidalar kabi taniqli kompaniyalar mavjud: Micromine, Orica, Metso, Sandvik, Weir Minerals, Seequent, Cms Cepcor, Thrane & Thrane, Christian Pfeiffer, CFT, Solid Drilling Solutions, Intertech Process Technology, Soligorsk energiya tejash muammolari instituti, L.D.M Officina Meccanica, Alpha Safety va boshqalar.

Ko'rgazma ishtirokchilari o'z stendlarida tog'-kon sanoati mashinalari, uskunalari va texnologiyalari, kon-boyitish kombinatlari, shaxtalarda xavfsizlikni ta'minlash echimlari, metallsozlik va metallurgiya uchun dasturiy ta'minot, uskunalar va xizmatlarni va boshqalarni taqdim etadilar.

Ko'rgazmaning xorijiy ishtirokchilarining top 5 mamlakatlari: Xitoy, Rossiya, Germaniya, Qozog'iston, Eron.

An'anaviy tarzda Germaniya Milliy paviloni ishtirok etadi, unda Germaniyaning 18 ta etakchi kompaniyalari tog'-metallurgiya majmuasi uchun yuqori sifatli uskunalar va metallsozlik sohasidagi eng yangi texnologiyalar bilan tanishtiradilar.

Ikkinchi marta Eron jamoaviy stendi ishtirok etadi - unda po'lat prokati, tsement va po'lat sanoati sohasidagi etakchi ishlab chiqaruvchilar joylashadi.

Kurgan va Nijniy Novgorod viloyatlarining (Rossiya Federasiyasi) jamoaviy stendlarida eksponentlar konchilik ishlab chiqarishi, kon-boyitish kombinatlari va metallsozlik sohasida asbob-uskunalar va texnologiyalarni taqdim etadilar.

40 dan ortiq xitoylik ishtirokchilar KMK uchun yangi ishlanmalari, texnologiyalari va uskunalari haqida gapirib berishadi.

Chet ellik ishtirokchilarning kamida uchdan bir qismi o'z stendlarini ilk marotaba namoyish etmoqda, bu xorijiy kompaniyalarning O'zbekiston bozoriga katta qiziqishi ifodalaydi.

Ko'rgazma biznes dasturining bosh voqeasi – 5-yubiley O'zbekiston xalqaro kon-metallurgiya forumi - UIMF 2023 - etakchi ekspertlar, biznes vakillari, sohaning etakchi kompaniyalari, moliya institutlari, davlat tuzilmalari va soha mutaxassislari o'rtasida konstruktiv muloqot va tajriba almashish uchun noyob platforma. Bu yilning mavzusi: xalqaro, mintaqaviy va mahalliy kon-metallurgiya sektorini rivojlantirish istiqbollari. Yangi muammolar-yangi strategiyalar.

Ko'rgazmada ishtirok etish mutaxassislarga yangi investorlar va hamkorlar bilan o'zaro manfaatli hamkorlikni yo'lga qo'yish, shuningdek, boshqa mamlakatlardagi hamkasblari bilan tajriba almashish imkonini beradi.

Ko'rgazmaning rasmiy ko'magi:

Tashkiliy ko'mak: "O'zekspomarkaz" MKK.
Bosh axborot hamkori: O'zbekiston Milliy teleradiokompaniyasi (MTRK)

Hamkor:

Ko'rgazma tashkilotchilari: Iteca Exhibitions xalqaro ko'rgazma kompaniyasi va uning hamkori ICA Eurasia Group
Qo'shimcha ma'lumot uchun, iltimos, Iteca Exhibitions matbuot xizmatiga murojaat qiling:
Tel: + (998 71) 205 18 18
Email: pr@iteca.uz; www.mining.uz